Despues di vários luna di hopi dedikashon i preparashon, CHATA di un forma eksitoso a organisWá e promé festival kulinario i esun di mas grandi, “Flavors of Curaçao”. Esaki a tuma lugá djasabra ku a pasa riba terenonan di Hotel Hilton. Durante e evento aki tambe CHATA a anunsiá e ganadó i promé finalista di e kompetensia di bartènder pa e Tim Kulinario di Kòrsou 2019.
CHATA ta bisa ku e ta mira bèk riba un evento ku bon asistensia, un aktividat ku a hala mas ku 4.000 bishitante ku a disfrutá di e delisianan sabroso i kreativo, i esaki tabata motibu pa CHATA a risibí kòmplimènt di parti di e restorantnan i bishitantenan.
Kushina bibu
Un edishon nobo den e evento di Flavors e aña aki tabata e “Live Cooking Demo”, pues un demostrashon di kushina bibu. E bishitantenan tabatin e oportunidat di disfrutá un menú di tres parti prepará dor di shèfnan internashonal den un seshon íntimo. E grupo di shèfnan a inkluí Justin Niessen, un profeshonal ku resientemente a habri su restorant na Rotterdam. John Moeller, èks shèf na White House i kende a sirbi dos famia presidensial. Antonio Albertsz, un shèf for di Aruba ku aktualmente ta trahando pa Disney World Magic Kingdom. Matthijs Mulder, un shèf renombrá di Michelin Star Restaurant “de Bloemenbeek” di Ulanda. I finalmente shèf Fernando Desa, ehekutivo di Produktonan di Goya.
Kompetensia di bartènder
Durante e evento di Flavors tambe
CHATA a tene e final dje kompetensia di bartènder pa e Tim Kulinario di Kòrsou pa asina eligí e bartènder nobo ku lo bai forma parti di e tim di Kòrsou. E ganadó lo representá Kòrsou den eksterior durante e kompetenshanan anual di “Taste of the Caribbean” kual lo tuma lugá na Miami.
E partisipantenan a ser husgá dor di bartèndernan profeshonal, i finalmente a sali komo ganadó Jurnick Merced, miéntras ku Brenton Balentien a keda komo finalista dje kompetensia.
“Flavors of Curaçao” ta un evento pa rekoudá fondo, ku ta permití CHATA pa kubri kursonan di idioma, programanan edukashonal kulinario i kampañanan di konsientisashon. CHATA ta hopi kontentu ku éksito di e evento aki i ta apresiá altamente e sosten ku el a haña di spònsernan i e restorantnan partisipante ku a kumpli ku nan promesa pa ofresé kuminda delisioso.
Mas ku 4 000 hende a bishitá “Flavors of Curaçao” newspaper mockup | |
| 6 Likes | 6 Dislikes |
| 663 views views | 8.67K followers |
| News & Politics | Upload TimePublished on 2 Oct 2018 |
Không có nhận xét nào:
Đăng nhận xét